1 - Fürstin Amoena Amalia von Anhalt-Köthen an Herzog Wilhelm
IV. von Sachsen-Weimar / 240112
Si est-ce que les Roys de France venus depuis, ont iusques à Pepin
esté surnommez Merouingiens comme descedans [!] de son estoc en droite ligne. & tant
d'autres Seigneurs qui ont pris plaisir d'autorizer leur bonne fortune par miracles controuuez.
Lon a fait ce passe droit à l'antiquité, de luy laisser mesler des choses vrayes
auec des fables, affin de rendre les fondateurs des Royaumes, ou Seigneuries plus saincts
ou redoutables. C'est pourquoy ie prendrai la hardiesse de coucher ici, ce que i'ay leu
de la conception de Nostre Merouée, dans vn auteur plus vieil que le regne de Pepin.
Et encores plus hardiment, pource qu'il semble auoir esté suyui par l'Abbé de Vvrspeg.
C'est ancien dit, que comme la mere de ce Roy [Clojon] accompagnée de son mary, se
fut despouillée pour se baigner en la mer, il en sortit vne beste en forme de Taureau,
qui luy courut sus. Or soit qu'elle conceust de la beste ou de son mari, l'enfant qui en
vint fut nommé Merouée, pour la Mer, ou les taches qu'il auoit au visage, ressemblans
à celles d'vn veau marin, appellé Merueich, ainsi que d'autre disent. Il le croira qui
voudra: mais ie vous aduertis, que plusieurs dames du temps passé ont couuert leurs
fautes sous le nom des dieux, ou de monstres espouuantables: [...] Toutesfoix ceux qui
ne croient pas ces natiuitez monstrueuses, disent, que la plus part des noms de nos
anciens, estoient significatis des vœux des peres, ou naturel des enfans: [...]. Partant,
que ce mot Merueich signifie en vieil langage François, Prince excellent [...].