Predigt Nr. 6 – Pr. 102 (DW IV,1) – St2(E) 17r-24r (diplomatisch)
Überschrift
[17r]
1 Diʒ iſt ein and͛ p̄die·
Abschnitt 1
1 Wo iſt d͛ nv̍ geboꝛn iſt· d͛ iuden ku̍nig·
Abschnitt 2
1 nv̍
m͛kent hie vō dirre geburt· wo ſu̍ ge-
ſchehe·
2 ich ſp̍ch ab͛ als ich me geſprochē ha-
be· das dieſe ewige gebu̍rt geſchit in d͛ ſelē·
in aller d͛ wiſe· als ſie geſchit in d͛ ewikeit·
noch mīre noch me·
3 wā es iſt eine gebu̍rt· vn̄
geſchit diſe gebu̍rt ī dem weſēne· vn̄ ī deme
grūde d͛ ſelen·
Abschnitt 3
1 Nu̍ vallent vroͮgen·
Abschnitt 4
1 ſit dc got
ī allē dingē iſt v͛nūftecliche· vn̄ den dīgē
me inne iſt· dēne dv̍ ding in ī ſelb͛ ſint· vnd
nat᷑lich͛· vn̄ wa got iſt· do muͦʒ er wu̍rkē·
vn̄ ſich ſelb͛ bekēnen· vn̄ ſin woꝛt ſpͤchē· wc
eigenſchefte dv̍ ſele habe ʒv̍ diſem wu̍rkē-
ne gottes· fu̍r and͛n v͛nūftigen creat᷑en· ī
den oͮch got iſt·
Abschnitt 5
1 dis vnd͛ſcheidenhʒ das m͛kēt·
2 got iſt in allen dingē weſelich· wu̍rkelich·
gewalteclich· ab͛ er iſt alleine geberēde ī der
[17v]ſelē·
3 wan alle creaturen ſint ein fuͦſtaftphe
gottes· ab͛ die ſele iſt nat᷑lich nach gotte ge-
bildet·
4 Dis bilde muͦʒ geʒieret vn̄ vollen-
broht w͛den· mit dirre gebu̍rt·
5 dis w͛kes
noch dirre gebu̍rte eniſt dekeine cͤature
enphenlich· den die ſele alleine·
6 in d͛ woꝛ-
heit· wc vollekomēheit in die ſele komē
ſol· es ſi goͤtlich lieht od͛ gnade· vn̄ ſelikeit·
dc muͦʒ alles vō not mit dirre geb᷑t komē
ī du̍ ſele· vn̄ nv̍t anders· ī keinre wiſe·
7 war-
te alleine dirre gebu̍rte in dir· ſo uindeſtu̍
alles guͦt· vn̄ allen troſt· alle wune· alles
weſen· vn̄ alle woꝛheit·
8 v͛ſu̍meſtu̍ dis· ſo
v͛ſu̍meſtu̍ alles guͦt· vn̄ alle ſelikeit·
9 vnde
was dir in diſeme inkumet· dc bringet
dir lu̍ter weſen vn̄ stetikeit·
10 vn̄ wc dv̍
ſuͦcheſt od͛ nimeſt· vʒſewendig diſem· dc
v͛dirbet· nīmes wie dv̍ wilt·
11 ab͛ dis alleine
git weſen· vn̄ alle and͛ ding u͛derbēt·
12 aber
in dirre gebu̍rt wirſtu̍ teilhaft· des goͤtli
chen influʒſes· vn̄ aller ſiner goben·
13 des
enw͛dent du̍ creaturē nv̍t enphenglich· in
den dc bilde gottes nv̍t eniſt·
14 wan der ſelē
[18r]bilde behoͤꝛent ſund͛lichen ʒu̍· diſe ewige ge-
bu̍rt· die eigenliche vn̄ ſund͛liche in d͛ ſelē
geſchiet· du̍ geboꝛn wurt vō dem uate͛· ī dē
grūde· vn̄ in dem indewendigeſtē der ſelen·
do nie bilde in geluhte· noch nie kraft in
geluͦgete·
Abschnitt 6
1 Du̍ and͛ vroge iſt·
2 ſit dc dis werg
dirre geburt geſchit in deme weſēne· vn̄
in dem grūde d͛ ſelen· ſo geſchit dis alſo
wol in eime ſund͛· als ī eime guͦtē mēſchē·
3 wc gnodē od͛ nu̍tʒes glit mir dēne h͛an· wā
d͛ grūt d͛ nat᷑en in ī beiden glich iſt·
4 io ioch
den· in der heillen blibet d͛ adel d͛ nat᷑en ewe-
clich·
Abschnitt 7
1 Nu m͛ket ob dis vnd͛ſcheit
2 eigēſchaft
dirre gebu̍rte ſi· dc ſu̍ allewege geſchit mit
nuwem lihte·
3 ſu̍ brīget allewege groʒ
liht in du̍ ſele·
4 wan d͛ guͤte art iſt· dc ſu̍ ſich
muͦʒ ergieʒſen wo ſu̍ iſt·
5 in dirre gebu̍rt
ergu̍ʒſet ſich got in die ſele· mit liehte· al-
ſo dc dc lieht ſo groʒ wurt in deme weſēne·
vn̄ in dem grūde d͛ ſelen· dc es ſich vʒ wur-
fet· vn̄ u̍b͛flu̍ʒſet in die crefte· vn̄ oͮch ī den
vʒſern menſchen·
6 Alſo geſchach oͮch
paulo·
do in got ruͦrte mit ſime lihte vf dem we-
[18v]ge vn̄ er ime ʒu̍ ſpͣch·
7 ein gelichnu̍ʒſe des lih-
tes· erſchein in vſʒenwēdig· dc es ſine ge-
ſellen ſahent· vn̄ vmbe uieng
paulū·
8 vn̄
alſe du̍ ſeligē vō vb͛fluʒſe des liehtes ī der
ſelen grūde iſt· dc vb͛ gu̍ʒſet ſich in den li-
chomen· vn̄ wu̍rt do vō vol clarheite·
9 des
enmag d͛ ſu̍nd͛ nv̍t enphohen· noch en
iſt ſin nv̍t wurdig· wā er erfu̍llet iſt
mit d͛ ſuͦnden· vn̄ mit boʒheite· dc do heiʒ-
ſet vinſt͛nu̍ʒſe·
10 Dar vmbe ſp̍ er·
11 du̍ vinſt͛-
nu̍ʒſe noch enphohet noch enbegrifet·
nv̍t dc lieht·
12 dc iſt des ſchu̍lt· wā die wege
do dis lieht ſolte inne gon· bekūb͛et vnde
vn̄ v͛ſperret ſint mit falſcheite· vn̄ mit
vinſt͛nuʒſe·
13 wā lieht vn̄ vinſt͛nu̍ʒſe en-
muͦgēt nv̍t mitenand͛ geſton· noch got
vn̄ creat᷑e·
14 ſol got in gon· ſo mvͦʒ vb͛ ein cͤ-
ature vʒ gon·
15 diʒ liehtes wu̍rt d͛ mēſche
wol gewar·
16 wā er ſich ʒegotte keret· alʒe-
hant gleſtet vn̄ glentʒet in ime ein lieht·
vn̄ git im ʒerkēnende· was er tuͦn vn̄ laʒ-
ſen ſol· vn̄ vil guͦter wiſunge· do er voꝛ
nu̍t abe enwuſte· noch u͛ſtunt·
17 wānan
[19r]vō weiſtu̍ dc·
18 ſich dc m͛cke·
19 din hertʒe wu̍rt
dicke beruͤrt· vn̄ gekert von d͛ welte·
20 wie
moͤhte dc beſchehē wan mit dirre in lu̍htū-
gen·
21 dc iſt ſo ʒart vn̄ ſo gelu̍ſtlich· dc dich
alles des uerdru̍ʒſet· dc got od͛ goͤtlich nv̍t
eniſt·
22 eʒ reiʒſet dich ʒuͦ gotte· vn̄ wurſt
vil guͦt͛ manūgen gewar· vn̄ dv̍ enweiſt
nv̍t vō wānen ſu̍ dir komēt·
23 dc indewēdi-
ge neigen enkumet enkeine wis· vō den
creat᷑en· noch vō keinre wiſungē·
24 wan
was creat᷑e wiſet od͛ wu̍rket· dc kūmet
alles vō vʒſen h͛zuͦ·
25 ab͛ der grūt d͛ wurt
alleine geruͤrret· vō diſem w͛cke· vn̄ ie dv
dich me lidig halteſt· ie me dv̍ liehtes vn̄
woꝛheite· vn̄ vnd͛ſcheides uindeſt·
26 Vnde
dar ūbe v͛irrete nie kein menſche an kei
nen dingen· dan alleine v̄be dc· das er diſē
vō erſt engangē was· vn̄ ſich vʒſewen-
dig ʒe vil behoͤften wolte·
27 Sc̄s
augꝰ· ſp̍·
28 vil iſt d͛ du̍ lieht vn̄ woꝛheit han geſuͦht·
vn̄ ab͛ alles vʒſenwendig· do ſu̍ nv̍t enwc·
29 des komēt ſie ʒeiūgeſt alſo v͛re vʒ· dc ſu̍
niem͛me wied͛ heim noch wid͛ in enkomēt·
[19v]vn̄ des enhant ſv̍ dv̍ warheit nv̍t fundē·
30 wā
warheit du̍ iſt inwēdig ī dem grūde· vn̄ nv̍t
vʒſewendig·
31 Wer nv̍ wil findē lieht· vn̄
vnd͛ſcheit aller woꝛheit· d͛ warte vn̄ ne-
me war· dirre geb᷑te in im· vn̄ in dem grū-
de. ſo w͛dent alle crefte erlu̍htet· vn̄ d͛ vʒ-
ſer menſche·
32 wā alʒehant ſo
a got den
grūt geruͤret· indewēdig mit d͛ warte· ſo-
wurfet ſich dc lieht in die crefte· vn̄ kan d͛
menſche me vnd͛wilent· dēne in imā gele-
ren mu̍ge·
33 Alſo ſp̍ d͛ ꝓph̓e·
34 Ich habe v͛ſtāden
vb͛ alle die mich ie gelerten·
35 ſehent vmbe
dc· das dis nv̍t geſchinē noch gelu̍hten
enmag in dem ſund͛· dar vmbe iſt dc vnbil-
lich· dc diſe gebu̍rt in ime geſchehen moͮge·
36 diese gebu̍rt mag nv̍t geſton· mit vinſt͛-
nu̍ʒſe d͛ ſunden· allei ſu̍ doch nv̍t geſchit ī
den kreften· ſund͛ in dem weſene vn̄ in dem
grūde d͛ ſelen·
Abschnitt 8
1 Nu uellet ein frage·
2 ſit got
d͛ vat͛ gebirt alleine in dem weſēne· vn̄ in
dem grūde der ſelen· vn̄ nv̍t in den creften·
wc get es die krefte an·
3 wc ſol ir dienſt h͛
ʒvͦ· dc ſu̍ ſich her ʒv̍ muͤʒſigē ſullēt· vnde
[20r]diſem viren·
4 was not iſt des· ſit dc es in den
kreften nv̍t geſchit·
5 diʒ iſt wol gefraget·
Abschnitt 9
1 Nu m͛cke diſe vnd͛ſcheidenheit·
2 ein iecli
che creature wu̍rket ir werg durch ein
ende·
3 dc ende iſt allewege des erſtē in d͛ mein
nūgen· vn̄ iſt dc iūgeſte in dem wercke·
4 al-
ſo meinet got in allen ſinē w͛cken· gar ein
ſelig ende· dc iſt ſich ſelben· vn̄ dc er dv̍ ſele
mit allen iren kreften· ī dc ende bringe dc
iſt ſich ſelben·
5 durch dc wu̍rket got alle ſi-
ne werg.
6 durch dc gebirt d͛ vat͛ ſinē ſun· ī
d͛ ſelen· dc alle dv̍ crefte d͛ ſelen ī dc ſelbe ko-
ment·
7 er loget allen dem dc ī d͛ ſelen iſt· vn̄
ladet es alles ʒvͦ dirre wirtſchaft· vn̄ ʒvͦ
diſem hofe·
8 Nu̍ het ſich die ſele vʒſewēdic
ʒerſpreitet mit den kreftē· vn̄ ʒerſtrowet
ecliche in ir werg· dv̍ kraft d͛ ſehen in das
oͮge· dv̍ kraft d͛ gehoͤꝛde in dc oꝛe·
9 vn̄
b alſꝰ
ſint ir werg deſte krenk͛ indewendig ʒe
wirkēne· wā ein iecliche ʒerſpreitete craft·
iſt vnuollekomē·
10 h͛ vmbe wil ſu̍ indewē-
dig kreftecliche wirken· ſo mu̍ʒ ſu̍ wied͛
heim ruͤfen allen iren kreftē vn̄ ſamp-
[20v]nē vō allen ʒerſpreiten dingen· in ein innē-
wendig wu̍rken·
11 Sc̄s
augꝰ ſp̍·
12 dv̍ ſele iſt
me do ſu̍ mīnet· dēne do ſu̍ deme libe lebē
git·
Abschnitt 10
1 Ein glichnu̍ʒſe· Es wc ein heideniſch͛
meiſter· d͛ wc gekeret vf eine kvnſt· das
wc rechenūge·
2 er hete alle ſine krefte dar
an geleit· vn̄ ſaʒ voꝛ eſchen· vn̄ ʒalte dv̍·
vn̄ ſuͦchte dv̍ kūſt·
3 do kom einre vn̄ roͮfte
ein ſwert·
4 d͛ enwuſte nu̍t dc eʒ d͛ meiſter
was· vn̄ er ſpͣch·
5 balde ſp̍· od͛ ich toͤte dich·
6 d͛
meiſter was ſo ſere ingeʒogen· dc er des
viandes ſach noch enhoꝛte· noch moͤhte ge-
m͛cken· wc er meinde·
7 vn̄ d͛ viant lange
vn̄ uil geruͤfte· do ſluͦg er ime dc hoͮbet abe·
Abschnitt 11
1 dis was ūbe ein nat᷑liche kūſt ʒegewīnē-
de·
2 wie vngeliche me wir vns ſoltent en-
ʒiehen· vō allen dingen· vn̄ ſamenē alle
cvnſer krefte ʒeſchoͮwende vn̄ ʒv̍ bekēnē-
de· dv̍ einige vnmeʒſige· vngeſchaffe ewi
ge woꝛheit·
3 Her ʒvͦ ſāmene alle dine ſin-
ne· alle dine crefte alle dine v͛nūft· vn̄ al-
les din gehu̍cnu̍ʒſe·
4 dc ker in den grunt·
do dirre ſchatʒ īne v͛boꝛgē lit·
5 ſol diʒ ge-
[21r]ſchehen ſo wu̍ſſeſt· ſo mu̍ſtu̍ allen andern w͛-
ken enphallen· vn̄ muͦſt komen in ein vnw̍ſ-
ſen· ſoltu̍ dis uinden·
Abschnitt 12
1 Nu uellet eine frage·
2 were eʒ nu̍t edelre dc eine iegeliche craft
ir eigen werc behielte· vn̄ dc eine du̍ ande-
ren nv̍t enhird͛ten an iren w͛cken· vn̄ dc
eʒ oͮch got nv̍t enhird͛te an ſime w͛cke ī
mir·
3 mag denheine wiſe ſin creat᷑liches
wiſſēnes· dc nv̍t gehind͛en· als got alle ding
weis one hind͛nu̍ʒſe· als du̍ ſeligē tunt·
4 Nu̍ m͛ckent diʒ vnd͛ſcheit·
5 dv̍ ſeligē ſehēt
ī gotte ein bilde· vn̄ in dem bilde· bekēnēt
ſu̍ alle ding·
6 io got ſelber d͛ ſihet alſo ī ſich·
vn̄ bekēnet in ime alle ding·
7 er endarf ſich
nv̍t keren· vō eime vf dc ande͛· als wir mu̍ʒ
ſent·
8 we͛ eʒ alſo in diſeme lebēne· dc wir ei-
nen ſpiegel voꝛ vns hettent alle ʒit· in
deme wir in eime oͮgen blicke alle ding ſe-
hent· vn̄ bekantēt in eime bilde· ſo enwere
vns wirken noch wu̍ſſen kein hund͛nuʒ
ſe·
9 wan wir vns nv̍ abe keren muͤʒſent
vō eime vffe dc ande͛ dar vmbe mag eʒ nv̍t
an vns an eime geſin· one hund͛nuʒſe des
[21v]and͛n·
10 wan dv̍ ſele iſt alſo gar gebūden mit
den kreften· dc ſu̍ mit in hine flu̍ʒſet· wo
ſu̍ hine flieʒſent·
11 wan in allen den werc-
ken dv̍ ſu̍ wirkent· do muͦʒ dv̍ ſele bi
ſin· vn̄ mit andaht· od͛ ſu̍ enmoͤhtēt ir
gewirken nv̍t· mit nihte·
12 ʒerflu̍ʒſet ſu̍
dēne mit irre andaht· ʒvͦ v̍ʒſerlichē w͛c-
ken· ſo mvͦʒ ſu̍ von not indewendig deſte
krenker ſin· an irme indewendigeme w͛c-
ke·
13 wā ʒv̍ dirre geburt· ſo wil got vn̄
muͦʒ haben· eine ledige vnbekūberte vrie
ledige ſele· in der nv̍t enſi· den er alleine·
noch dv̍ nihtes noch niemānes enwar-
teſt· dēne ſin alleine·
14 Her vf ſpͣch
xp̄c·
15 w͛
v̍ht anders mīnet dēne mich· vn̄ ʒalte va-
ter vn̄ muͦter· vn̄ vil and͛re dinge· d͛ en-
iſt min nv̍t wert·
16 ich enbin nv̍t komen
frieden ʒemachende· ſvnd͛ dc ſwert· vmbe
dc ich alle ding abegeſcheide· dc ſwert den
bruͦder· dc kint dv̍ muͦter· den frunt· der
gew͛liche din viant iſt·
17 wā was dir hei-
melich iſt· dc iſt gew͛liche din viant·
18 wil
din oͮge alle ding ſehen· vn̄ din oꝛe alle
[22r]ding hoͤꝛen· vn̄ din hertʒe alle ding geden-
ken· in d͛ woꝛheit in allen diſen dingen·
muͦʒ dine ſele ʒ͛ſtrowet w͛den·
19 Dar vm-
be ſp̍ ein meiſter·
20 wēne d͛ menſche ein inde-
wendig werg ſol wirken· ſo muͦʒ er alle
ſine krefte in ʒiehen· rehte als in einen
winkel ſiner ſelen· vn̄ ſich v͛bergen voꝛ
allen bilden· vn̄ foꝛmē·
21 vn̄ alſo mag er wir-
ken·
22 hie muͦʒ er komē in ein v͛geſſen· vn̄
in ein nv̍t wu̍ſʒen·
23 eʒ muͦʒ ſin in einer
ſtille vn̄ in eime ſwigene· do diʒ woꝛt ſol
gehoͤꝛt w͛den·
24 Men enmag diſem woꝛte
mit nv̍te bas ʒvͦ komē· dēne mit ſtilheit
vn̄ mit ſwigende·
25 do mag mens hoͤꝛen· vn̄
aldo v͛ſtat mens rehte in dem vnwu̍ſʒē-
de·
26 do men nv̍t enweiʒ· do wiſet eʒ vn̄ of-
fenboꝛt ſich·
Abschnitt 13
1 Nv moͤhtent ir ſpͤ·
2 h͛re ir
ſetʒent alles vnſer heil in ein vnwu̍ſſē·
3 dc lutet als ein gebreſte·
4 got het den mē-
ſchen geſchaffen dc er wu̍ſʒe als d͛ ꝓph̓e
ſpͣch·
5 h͛re mache ſu̍ wu̍ſſende
6 wo ein vn-
wu̍ſſen iſt· dc iſt gebreſte· vn̄ iſt itel·
7 er iſt
ein vihelich͛ menſche· ein affe· ein toꝛe·
[22v]
8 vn̄ das iſt woꝛ· alſe lange er in dem vnw̍uſ-
ſende bliblet·
9 Men ſol hie komē· in ein v̍ber
foꝛmet wiſʒē· noch diʒ· vnwu̍ſſen· en ſol
nv̍t komē vō vnwu̍ʒſende·
10 m͛ vō wu̍ſ-
ſende ſol men komē· in ein vnwu̍ʒſen·
11 vn̄
hie do wir ſint in lidende· do ſin wir volle-
komēre· dēne ob wir warhtent·
12 Dar vm-
be ſp̍ ein meiſter· dc die craft des hoͤꝛendes
vil edelre ſi den die kraft des ſehendes· wā
mē leret me wiʒheit· mit dem hoͤꝛende· dē-
ne mit dem ſehende· vn̄ lebet hie me in der
wiʒheit·
Abschnitt 14
1 Men vindet vō eime heidenſchē
meiſt͛· do d͛ lag an ſime tode· do rettent ſi-
ne iūgern voꝛ im· vō groʒſer kūſt· vn̄
er huͦp ſin hoͮbet vf alſo ſterbende· vn̄ hoꝛ-
te ʒuͦ vn̄ ſpͣch·
2 eẏa lont mich noch dieſe
kūſt lernē dc ich ir ewecliche gebruche·
Abschnitt 15
1 Das hoͤꝛen bringet me in· ab͛ dc ſehen
wiſet me vʒ· io dc werc des ſehēdes an i-
me ſelber·
2 vn̄ d͛vmbe ſullē wir in deme
ewigen lebēne uil ſeliger ſin in d͛ kraft
des hoꝛendes dēne in der kraft des ſehēdes·
3 wā dc werg des hoͤꝛendes des ewigē woꝛ-
[23r]tes dc iſt in mir· vn̄ dc werc des ſehendes get
vō mir·
4 vn̄ dc hoͤꝛen bin ich lidende· vn̄ das
ſehen wu̍rkende·
Abschnitt 16
1 Ab͛ vnſer ſelikeit· lit
nv̍t an vnſern w͛cken· Mer an dem dc wir
got lidēt·
2 wā alſo uil got edelre iſt· denne
dv̍ creat᷑en· alſe uil iſt dc werg gottes edel-
re· dēne dc mine·
3 io von vnmeſſig͛ minnē·
het got vnſer ſelikeit geleit in ein liden·
wen wir me lident dēne wir wirkent· vn̄
vngeliches vil me nement· den wir ſin ge-
bent·
4 vn̄ ein iegeliche gobe bereitet dv̍
enphenlicheit· ʒvͦ einre nu̍wē goben· io
ʒuͦ einre merren goben·
5 ein iegeliche goͤt-
lich gobe· witert die enphenlicheit vn̄
dv̍ begerūge· ʒuͦ eime groʒſern enphohē-
de·
6 vn̄ h͛vmbe ſpͤ etliche meiſtere· das an
dem ſi dv̍ ſele· gotte eben meſʒig· wā alſe
got vnmeſʒig iſt· an dem gebende· als iſt
oͮch dv̍ ſele· vnmeſʒig an deme nemende·
oder enphohende·
7 vn̄ als got iſt almehtig·
an dem wirckende· als iſt dv̍ ſele abgrun-
dig· an deme lidende·
8 vn̄ dar vmbe wu̍rt
ſu̍ v̍berfoꝛmet mit gotte· vn̄ in gotte·
9 got
[23v]d͛ ſol wu̍rcken· vn̄ ſol dv̍ ſele liden·
10 er ſol ſich
ſelben bekennē· vn̄ minnē in ir· ſu̍ ſol be-
kennē mit bekantnu̍ʒſe· vn̄ ſol minnē
mit ſiner minnen·
11 vn̄ dar vmbe iſt ſu̍ vil
ſeliger mit deme ſinen· dēne mit den iren·
vn̄ alſo ocͮh ir selikeit me iſt gelegen in
ſime wu̍rkende· dēne in dem iren·
Abschnitt 17
1 S·
dẏo-
niſius iūgern vrogetent
dẏoniſiū war
vmbe ſu̍
Thẏmotheus alle fu̍r liefe an
vollekomēheit·
2 Do ſpͣ
Thẏmotheꝰ
3 d͛ iſt ein
goͤtlicher lidend͛ man· d͛ in dem wol kunde·
4 d͛ fu̍rliefe alle menſchen·
5 vn̄ alſus eniſt
din vnwu̍ʒſen nv̍t ein gebreſte· ſunder
din oͤberſte vollekomēheit· vn̄ din liden·
iſt alſus din oͤberſte werg·
6 vn̄ alſus ī dir-
re wiſe muͦſt dv abſlahen alle dine werc·
vn̄ tuͦn ſwigen alle dine crefte· ſoltu̍ ī d͛
warheit beuinden diſe geburt
7 in dir· ſol-
tu vinden den geboꝛnē·
8 alles dc dc dv̍ and͛s
vinden maht· dc muͦſtu fu̍r loͮfen· vn̄ ʒuͤ
ru̍cken w͛fen·
Abschnitt 18
1 Das wir alles dc fu̍r loͮfēt
vn̄ verlierent dc diſem geboꝛnē ku̍nige
nv̍t wol geuellet· des helfe vns d͛. der dar
[24r]vmbe iſt woꝛden des menſchen kint· dc wir
w͛dent gottes kint·
2 am̄·